𝐂𝐇𝐈𝐋𝐃𝐑𝐄𝐍’𝐒 𝐌𝐎𝐍𝐓𝐇 𝐂𝐄𝐋𝐄𝐁𝐑𝐀𝐓𝐈𝐎𝐍, 𝐒𝐔𝐌𝐄𝐍𝐓𝐑𝐎 𝐒𝐀 𝐏𝐀𝐆𝐓𝐀𝐓𝐀𝐆𝐔𝐘𝐎𝐃 𝐍𝐆 𝐊𝐀𝐑𝐀𝐏𝐀𝐓𝐀𝐍 𝐍𝐆 𝐁𝐀𝐖𝐀𝐓 𝐁𝐀𝐓𝐀𝐍𝐆 𝐒𝐀𝐍 𝐍𝐈𝐂𝐎𝐋𝐀𝐍𝐈𝐀𝐍 | Official Website of Municipality of San Nicolas Pangasinan

Upang palakasin ang kamalayan ng komunidad sa mga panganib ng online sexual abuse at exploitation, at itaguyod ang karapatan ng bawat bata na maging ligtas at protektado, ipinagdiwang ng bayan ng San Nicolas ang Municipal Children’s Month na may temang “OSAEC-CSAEM Wakasan: Kaligtasan at Karapatan ng Bata, Ipaglaban.”

Pinangunahan ang unang araw ng programa 𝐊𝐨𝐧𝐬𝐞𝐡𝐚𝐥 𝐀𝐦𝐨𝐫𝐬𝐨𝐥𝐨 𝐏𝐮𝐥𝐢𝐝𝐨, 𝐌𝐒𝐖𝐃 𝐎𝐟𝐟𝐢𝐜𝐞𝐫 𝐃𝐞𝐥𝐢𝐚 𝐃𝐚𝐥𝐮𝐭𝐚𝐠 at kaniyang staff, kasama si Mayor Alicia Primicias-Enriquez na nagbigay inspirasyon sa mga batang San Nicolanian tungkol sa kahalagahan ng kanilang karapatan sa digital na mundo.

Tatlong pangunahing aktibidad ang isinagawa: Singing Contest, Draw and Tell, at Zumbalilit. Sa Singing Contest, itinanghal na kampeon si Maria Krisnella S. Camisola mula sa Jasmin Child Development Center (CDC), San Roque. Pumangalawa si Savrinnah Bea O. Baloca ng Dama de Noche CDC, Siblot, at pumangatlo si Zhianne Jhoyzc. Cariazo ng Gumamela CDC, Salingcob. Sa Draw and Tell Contest, nagwagi si Hera G. Cruz mula sa Jasmin CDC, San Roque, habang pumangalawa si Ayumi Zaina P. Rodrigo ng Poinsettia CDC, Sto. Tomas, at pumangatlo si Luna B. Merca ng Rose CDC, San Rafael Centro.

Sa Zumbalilit, nagpakitang-gilas sa sayawan ang mga CDCs. Unang gantimpala ang nakuha ng mga grupo mula sa Jasmin, Aster, Lotus, Sampaguita, Stargazer, Chrysanthemum, at Dama de Noche. Pangalawang gantimpala ang iginawad sa Everlasting, Cattleya, Rubia, Bougainvilla, Hyacinth, Begonia, at Euphorbia. Pangatlong gantimpala naman ang tinanggap ng Daisy, Marigold, Ilang-ilang, Cherry Blossom, Sunflower, at Daffodil.

Ang board of judges ay pinamunuan ni Marivic T. Dotimas, Master Teacher I mula sa San Roque ANP Pilot School. Kabilang sa mga hurado sina Emmanuel S. Serquiña, Teacher III ng Sta. Maria NHS, at Victorio G. Amarillo, Teacher I ng Kabayabasan Integrated School.

Lahat ng 37 Child Development Centers ng bayan ay aktibong lumahok sa selebrasyon, patunay ng pagkakaisa ng San Nicolas para sa kapakanan ng mga bata.