𝐁𝐢𝐥𝐚𝐧𝐠 𝐩𝐚𝐠𝐤𝐢𝐥𝐚𝐥𝐚 𝐬𝐚 𝐤𝐚𝐛𝐚𝐲𝐚𝐧𝐢𝐡𝐚𝐧 𝐧𝐠 𝐒𝐀𝐅 𝟒𝟒 𝐍𝐀𝐓𝐈𝐎𝐍𝐀𝐋 𝐃𝐀𝐘 𝐎𝐅 𝐑𝐄𝐌𝐄𝐌𝐁𝐑𝐀𝐍𝐂𝐄, 𝐆𝐈𝐍𝐔𝐍𝐈𝐓𝐀 𝐍𝐆 𝐏𝐀𝐌𝐀𝐇𝐀𝐋𝐀𝐀𝐍𝐆 𝐋𝐎𝐊𝐀𝐋 𝐍𝐆 𝐒𝐀𝐍 𝐍𝐈𝐂𝐎𝐋𝐀𝐒

Ginunita ngayong araw ng pamahalaang lokal ng San Nicolas ang National Day of Remembrance Day para sa kagitingan at kabayanihan ng Special Action Force (SAF) 44 na sumabak sa Oplan Exodus sa Maguindanao noong 2015.

Ang nasabing seremonya ay isinagawa bilang parangal sa kabayanihan at kagitingan ni PO3 Ephraim Mejia, isa sa mga nasawing 44 elite commando ng PNP SAF na namatay sa Mamasapano, Maguindanao.

Binigyang pagkilala ng buong pamahalaang lokal ng San Nicolas sa pangunguna nina Mayor Alice at Vice Mayor Alvin Bravo, Gov. Ramon Guico III na kinatawan ni Rebecca Saldivar, PNP Prov’l Director PCOL Jeff Fanged, PLTCOL Haron Rasid Ali, Force Commander ng 2nd PMFC, at PCPT George Banayos Jr. ng San Nicolas Police Station si PO3 Mejia sa harap ng inang si Gng. Helen Mejia at kapatid na si Gng. Ruth Love Mejia-Tajale.

“Higit pa sa tungkulin ang ginawang sakripisyo ng SAF 44. Siyam na taon simula nang mangyari ito, nagbukas ito sa ating mga mata sa mas malalim na kahulugan ng pagsasakripisyo sa ngalan ng bayan kung kaya’t patuloy tayong nagdarasal para sa kanilang mga kaluluwa at magpapasalamat sa kanilang marangal na gawain,” ani ni Mayor Alice.

#NationalDayOfRemembrance#SAF44#Gallant44#SpecialActionForce#WeRemember#ThankYouForYourGallantry#MayorAliciaPrimiciasEnriquez#MayorAliciaPrimiciasEnriquezYourPublicServant#SanNicolasPangasinanMyHomeMyPride