𝐑𝐨𝐦𝐞𝐥 𝐋𝐚𝐮𝐫𝐚 𝐐𝐮𝐢𝐦𝐨 𝔬𝔣 𝐁𝐫𝐠𝐲. 𝐃𝐚𝐥𝐮𝐦𝐩𝐢𝐧𝐚𝐬

𝕿𝖍𝖊 𝓐𝖗𝖙𝖎𝖘𝖙 𝕭𝖊𝖍𝖎𝖓𝖉 𝖙𝖍𝖊 𝓐𝖗𝖙𝖜𝖔𝖗𝓴

Hindi naging madali para kay Romel ang kaniyang pagsisimula bilang isang hair and makeup artist. Hindi kasi siya sinuportahan ng kaniyang mga magulang noong una dahil akala nila’y wala siyang mararating dito. Dumagdag pa ang pressure mula sa mga taong minamaliit siya at hindi naniniwala sa kaniya lalo na nu’ng baguhan pa lamang siya sa industriya.

“Noon, may mga kliyenteng hindi sapat ang ibinabayad sa aking serbisyo at kung minsan naman ay nagrereklamo dahil hindi nagustuhan ang gawa ko. Inaral ko po lahat. Mas naging open ako sa pag-seek ng kanilang requests at sundin ito hangga’t maaari,” saad niya.

Dahil sa kaniyang pagsisikap na pagbutihin ang kaniyang craft sa pamamagitan ng pagsali sa Technolympics na isang programa ng Department of Education at sa panonood ng tutorial vlogs sa Youtube, isa na siya sa maituturing na maipagmamalaki ng bayan ng San Nicolas sa larangang ito.

Mula sa 200 pesos na una niyang kinikita sa bawat gig, umaabot na ngayon sa 40,000-60,000 pesos ang kaniyang monthly earnings lalo na kung peak season ng events. Bagamat hindi ganito palagi ang kaniyang kinikita, patunay lamang ito na malayo na nga ang narating niya.

Panahon na upang marahuyò sa mga obra maestra ng kailian nating si Romel Laura Quimo ng Brgy. Dalumpinas. I-like at i-share mo na, kailian!

ⒶⓇⒶⒽⓊⓎⓄ