𝐌𝐀𝐋𝐈𝐍𝐈𝐒 𝐍𝐀 𝐈𝐍𝐔𝐌𝐈𝐍𝐆 𝐓𝐔𝐁𝐈𝐆, 𝐇𝐀𝐍𝐃𝐎𝐆 𝐒𝐀 𝐌𝐆𝐀 𝐑𝐄𝐒𝐈𝐃𝐄𝐍𝐓𝐄 𝐍𝐆 𝐌𝐀𝐋𝐈𝐂𝐎

Malinis na inuming tubig ang naghihintay sa mga residente ng Brgy. Malico dahil sa proyektong water pipes ng pamahalaang lokal ng San Nicolas na inaasahang mapapakinabangan na sa mga susunod na buwan.

“Mahalaga ang pagkakaroon ng malinis na inuming tubig para makaiwas sa sakit ang mga residente lalo pa’t nasa mataas na bahagi sila ng bundok at minsa’y nagkakaroon ng problema sa suplay ng tubig,” saad ni Mayor Alice.

Ikinatuwa naman ito ng mga residente dahil hindi nagmamaliw ang pagmamahal ni Mayor Alice sa kanilang lugar na ngayo’y dinarayo na ng maraming turista.