𝐌𝐀𝐘𝐎𝐑 𝐀𝐋𝐈𝐂𝐄: 𝐇𝐀𝐓𝐈𝐃 𝐍𝐆 𝐒𝐂𝐇𝐎𝐎𝐋 𝐓-𝐒𝐇𝐈𝐑𝐓𝐒 𝐀𝐍𝐆 𝐏𝐀𝐆𝐊𝐀𝐊𝐀𝐊𝐈𝐋𝐀𝐍𝐋𝐀𝐍, 𝐏𝐀𝐆𝐊𝐀𝐊𝐀𝐈𝐒𝐀, 𝐃𝐈𝐒𝐈𝐏𝐋𝐈𝐍𝐀

Binigyang diin ni Mayor Alice ang kahalagahan ng pagkakakilanlan, disiplina, at pagkakaisa at ang pagpigil sa diskriminasyon sa paaralan nang siya’y maghatid ng school t-shirts sa Nining Elementary School at Cacabugaoan Elementary School.

“Sa pamamagitan ng mga regalong unipormeng ito, alam kong magbibigay ito ng pakiramdam ng pagkakakilanlan at pagkakaisa sa inyong mga mag-aaral. Kapag mayroong uniporme, hindi na kailangang magpakita ng mga mamahaling kasuotan na makatutulong sa pagpigil ng diskriminasyon,” paliwanag ng alklade.

Umabot sa 193 mag-aaral ang mapalad na tumanggap ng t-shirts na handog ni Mayor Alice at ng pamahalaang lokal ng San Nicolas na inaasahang magbibigay sa kanila ng inspirasyon upang pagbutihin pa ang kanilang pag-aaral.