Makalipas ang tatlong dekada

𝐃𝐈𝐎𝐂𝐄𝐒𝐀𝐍 𝐊𝐑𝐈𝐒𝐓𝐎 𝐑𝐄𝐘 𝟐𝟎𝟐𝟒, 𝐌𝐔𝐋𝐈𝐍𝐆 𝐈𝐃𝐀𝐃𝐀𝐎𝐒 𝐒𝐀 𝐁𝐀𝐘𝐀𝐍 𝐍𝐆 𝐒𝐀𝐍 𝐍𝐈𝐂𝐎𝐋𝐀𝐒

Tinatayang aabot sa sampung libong mga debotong Katoliko ang dadagsa sa bayan ng San Nicolas ngayong Linggo, November 24, upang sama-samang ipagdiwang ang isang mahalagang okasyon na nagpapaalala sa kataas-taasang kapangyarihan ni Kristo sa lahat ng nilalang—ang Christ the King 2024.

Taong 1996 pa nang huling idaos ang makasaysayang okasyon sa bayan kung kaya’t nagbubunyi si Mayor Alice at ang buong San Nicolas sa pagkakataong makatuwang ang Roman Catholic Diocese of Urdaneta at St. Nicholas of Tolentino Parish sa kapistahang ito na naglalayong ipakita ang kaharian ni Kristo na puno ng pag-ibig, katarungan, at kapayapaan

“Sa panahon ng mga pagsubok at hamon, ang pagdiriwang na ito ay nagbibigay sa atin ng pag-asa at inspirasyon na magpatuloy sa ating pananampalataya at pagtitiwala sa Diyos,” saad ni Mayor Alice.

Mula sa bayan ng San Nicolas, malugod na inaanyayahan ang lahat ng mananampalatayang Katoliko na makiisa sa kapistahang ito na sisimulan sa isang Banal na Misa gaganapin sa San Nicolas Municipal Park sa ganap na ala-una ng hapon.

Sa pagdiriwang ng Christ the King 2024, tayo ay inaanyayahan na muling kilalanin si Hesus bilang ating Hari at Tagapagligtas, at ipagdiwang ang Kaniyang walang hanggang kaharian sa ating buhay.

#VivaCristoRey#ChristTheKing#ChristTheKing2024#MayorAliciaPrimiciasEnriquez#MayorAliciaPrimiciasEnriquezYourPublicServant#SanNicolasPangasinanMyHomeMyPride