𝐏𝐀𝐆𝐏𝐀𝐏𝐀𝐋𝐀𝐋𝐈𝐌 𝐒𝐀 𝐏𝐀𝐍𝐀𝐍𝐀𝐌𝐏𝐀𝐋𝐀𝐓𝐀𝐘𝐀, 𝐄𝐒𝐏𝐈𝐑𝐈𝐓𝐔𝐖𝐀𝐋 𝐍𝐀 𝐊𝐀𝐀𝐋𝐀𝐌𝐀𝐍, 𝐁𝐈𝐍𝐈𝐆𝐘𝐀𝐍𝐆 𝐃𝐈𝐈𝐍 𝐍𝐆 𝐍𝐂𝐏-𝐒𝐀𝐍 𝐍𝐈𝐂𝐎𝐋𝐀𝐒

Binigyang diin ng National Chaplains of the Philippines (NCP) ang kahalagahan ng pagpapalalim ng pananampalataya sa Diyos at espirituwal na kaalaman sa kanilang orientation program na dinaluhan ng 41 na delegado mula sa San Nicolas at mga karatig na bayan.

Upang mas mapagtibay pa ang Moral Recovery Program, muling binalikan ng mga delegado ang kanilang mga responsibilidad at gampanin bilang chaplains, ang pagpapatibay sa kanilang samahan sa NCP maging ang pag-alam sa kasalukuyang sitwasyon sa kanilang mga nasasakupan.

Pinangunahan ang nasabing orientation program nina Bishop Wilfredo Mallavo, National Speaker Bureau (NSB) provincial deputy external; NSB Victor Rodriguez, NCP multimedia; NSB Ramon Diesto, NCP municipal director of Lingayen; Ptr. Edmundo De Jesus Jr., NCP municipal director of San Manual; at Ptr. Manny Tabingo, NCP municipal director of Tayug.