Natupad na ang kahilingan ng mga guro at kawani ng Puyao Elementary School kay Mayor Alice at sa pamahalaang lokal ng San Nicolas na magkaroon ng elebasyon at extension roof ang kanilang multi-purpose hall upang mas maging kapaki-pakinabang at magamit nang husto ang kanilang maliit na espasyo.
Ang floor elevation na may sukat na 127.05 metro kuwadrado at extension roof area na 49 metro kuwadrado ay ang pinakabagong proyekto ng LGU San Nicolas sa nasabing paaralan na nagdala ng tuwa at saya sa komunidad.
“Lubos ang aming galak nang mapakinggan ni Mayor Alice ang aming mga hiling para sa Puyao Elementary School. Patunay lamang ito na tapat siya sa kaniyang adhikain na magkaroon ng pantay na oportunidad para sa lahat,” saad ni Raffy Bersabal, punong guro ng nasabing paaralan.
Dagdag pa ni Bersabal, hindi na mangangamba ang mga guro kung sakali mang umulan dahil ang nasabing elebasyon at ekstensiyon ay hudyat na tuloy-tuloy na nilang maisasagawa ang kanilang pagpupulong, programa, at aktibidad sa multi-purpose hall.
#PuyaoElementarySchool#ElevationOfMultiPurposeHall#RoofExtension#MaximizingSchoolSpaces
#MayorAliciaPrimiciasEnriquezYourPublicServant
#SanNicolasPangasinanMyHomeMyPride
