𝐀𝐆𝐏𝐀𝐘 𝐄𝐂𝐎 𝐏𝐀𝐑𝐊 𝐑𝐔𝐋𝐄𝐒 𝐀𝐍𝐃 𝐑𝐀𝐓𝐄𝐒

Naimbag nga aldaw, nature and eco-lovers! Nais naming ipaalam sa inyo ang ilang mahahalagang anunsiyo’t paalala ukol sa ating pinakabagong eco-tourism attraction dito sa San Nicolas—ang Agpay Eco Park.

1. 𝐆𝐞𝐧𝐞𝐫𝐚𝐥 𝐎𝐩𝐞𝐫𝐚𝐭𝐢𝐧𝐠 𝐇𝐨𝐮𝐫𝐬: Bukás ang eco park mula alas-9 ng umaga hanggang alas-5 ng hapon lamang.

2. 𝐑𝐚𝐭𝐞𝐬 𝐚𝐧𝐝 𝐅𝐞𝐞𝐬: Simula ngayon, magkakaroon ng entrance at environmental fees upang mapanatili ang kagandahan at kaayusan ng Agpay Eco Park.

❖ San Nicolas residents— P30 (P20–entrance fee at P10-environmental fee)

❖ Non-residents— P50 (P30-entrance fee at P20 environmental fee)

Bibigyan ng 50% discount ang lahat ng San Nicolas residents edad 60-64 habang libre naman ang entrance fee (hindi kasama ang environmental fee) ng mga residenteng edad 65-pataas at edad 3-pababa.

For non-residents, 20% ang gagamiting discount sa lahat ng senior citizens at mga batang edad 3-pababa.

3. 𝐌𝐠𝐚 𝐀𝐥𝐢𝐭𝐮𝐧𝐭𝐮𝐧𝐢𝐧: Narito ang mga sumusunod na alituntinin na kinakailangang sundin:

❖ Ang hindi pagtatapon ng basura sa tamang lagayan ay mariing ipinagbabawal. Ang 1st offense ay may multang P500.

❖ Sundin ang Clean As You Go o CLAYGO policy.

❖ Hindi pinapayagan ang pagpitas lalong-lalo na ang pagsira sa mga bulaklak at halaman sa loob ng eco park.

❖ Siguraduhing nakatali ang inyong mga alagang hayop habang sila’y nasa loob ng park.

❖ Hindi pinahihintulutan ang vaping at paninigarilyo sa lahat ng areas sa park maliban sa itinalagang smoking area.

❖ Ang mga photoshoot for weddings at birthdays ay pinapayagan basta’t nakapagbayad on-site ng special permit.

❖ Ang mga lakbay-aral, wedding, birthday, reunion party, at iba pang mga katulad na pagdiriwang ay pinahihintulutan lamang kung may special permit mula sa Mayor’s Office. Binibigyan ng 50% discount ang lahat ng lakbay-aral, residente man o non-residents ng San Nicolas.

4. 𝐏𝐚𝐠𝐠𝐚𝐦𝐢𝐭 𝐧𝐠 𝐏𝐚𝐬𝐢𝐥𝐢𝐝𝐚𝐝: Ang swimming pool, camping site, cottages, grilling at picnic areas, at iba pang mga pasilidad ay maaaring gamitin ayon sa mga patakaran ng parke at sa umiiral na Municipal Ordinance No. 136-2022 at Local Revenue Code.

5. #𝐒𝐮𝐩𝐩𝐨𝐫𝐭𝐌𝐒𝐌𝐄𝐬: Binibigyan ng pagkakataon ang mga local entrepreneur at vendor mula San Nicolas maging ang ibang bayan na magbenta ng kanilang produkto sa Agpay Eco Park, subalit ito ay kinakailangang gawin sa itinakdang lugar at may kaukulang permiso mula sa Business Processing and Licensing Office ng Municipal Hall. Maaaring tumawag sa Eco Park Hotline 09276176313 para sa karagdagang impormasyon ukol dito.

Ang Agpay Eco Park ay isang proyektong bunga ng pag-ibig, pananampalataya, at pag-asa kung kaya’t naniniwala kaming mamahalin, aalagaan, at iingatan natin itong lahat.