𝐂𝐎𝐍𝐆. 𝐌𝐀𝐑𝐋𝐘𝐍, 𝐏𝐈𝐍𝐀𝐒𝐈𝐍𝐀𝐘𝐀𝐀𝐍 𝐀𝐍𝐆 𝐀𝐍𝐆𝐄𝐋𝐒 𝐁𝐑𝐄𝐀𝐓𝐇 𝐂𝐃𝐂 𝐒𝐀 𝐒𝐀𝐋𝐏𝐀𝐃

Pormal nang pinasinayaan ni 𝐂𝐨𝐧𝐠. 𝐌𝐚𝐫𝐥𝐲𝐧 𝐋. 𝐏𝐫𝐢𝐦𝐢𝐜𝐢𝐚𝐬-𝐀𝐠𝐚𝐛𝐚𝐬 ang Angels Breath Child Development Center sa Brgy. Salpad noong Oktubre 12, 2023 upang agarang magamit bilang klasrum ng day care learners sa nasabing barangay.

Pinangunahan ni 𝐑𝐞𝐯. 𝐅𝐫. 𝐅𝐚𝐫𝐥𝐞𝐲 𝐂𝐚𝐬𝐭𝐫𝐨 ang pagbabasbas sa nasabing center sa inauguration at ribbon-cutting ceremony na dinaluhan nina Mayor Alice, Vice Mayor Alvin Bravo at mga miyembro ng Sangguniang Bayan, barangay council ng Salpad sa pangunguna ni PB Danilo Serios, day care learners at kanilang mga magulang, at Teacher Reynaldo Alagano.

“Alagaan nawa ninyo ang Angels Breath Child Development Center. Ariin ninyo itong para ninyong tahanan na iingatan, aalagaan, at ipagmamalasakit upang maayos na magamit ng mga bata ngayon maging sa mga susunod na henerasyon,” ani Cong. Agabas.

Bahagi ang proyekto ng patuloy na pagpapaunlad ng ika-anim na Distrito ng Pangasinan sa programang pang-edukasyon upang mapunan ang kakulangan sa child development centers at mapababa ang repetition at drop-out rates dahil sa kalayuan ang centers sa tahanan ng mga mag-aaral.

“Sa pamamagitan ng mga makabuluhang proyektong tulad nito ay tunay na nailalagay ng pamahalaan sa kapaki-pakinabang na gawain ang pondo ng gobyerno na nanggagaling din sa buwis ng mamamayan,” pagtatapos ng kongresista.

#AngelsBreathChildDevelopmentCenter#Brgy. Salpad #Inauguration#RibbonCuttingCeremony#ThankYouCongressmanMarlynPrimiciasAgabas#ThankYouRevFrFarleyCastro#MayorAliciaPrimiciasEnriquez#MayorAliciaPrimiciasEnriquezYourPublicServant#SanNicolasPangasinanMyHomeMyPride