Sa pagdiriwang ng Linggo ng Kabataan 2024, nagbigay ng malaking tulong sa mga kabataan at ilang mga mamamayan ang isinagawang Local Recruitment Activity at One-Stop Shop para sa kanilang seguridad at benepisyo sa hinaharap.
Isa sa mga pangunahing layunin ng aktibidad na ito ay ang pagbibigay ng pagkakataon sa mga kabataan na makahanap ng trabaho. Nakiisa at nagbukas ng pintuan ang One Source Specialized Services Inc. sa tulong ng PESO San Nicolas at PESO Pangasinan para sa mga aplikante.
Ang mga kabataan ay nagkaroon ng pagkakataon na magpasa ng kanilang mga resume at dumaan sa mga initial interview. Ang ilan sa kanila ay agad na natanggap sa trabaho, habang ang iba naman ay nakatakdang sumailalim sa mga susunod na proseso ng aplikasyon.
Bukod sa pangangalap ng trabaho, nagkaroon din ng One-Stop Shop kung saan maaaring mag-apply ang mga kabataan para sa membership sa SSS, PAG-IBIG, at PhilHealth. Ang mga kinatawan mula sa mga ahensyang ito ay naroon upang magbigay ng impormasyon at tumulong sa proseso ng aplikasyon. Dahil dito, maraming kabataan ang nagkaroon ng pagkakataon na maging miyembro ng mga nasabing ahensya, na makakatulong sa kanilang seguridad at benepisyo sa hinaharap.
“Sa mga kabataan, patuloy tayong mangarap at magsikap. Ang mga oportunidad ay nandiyan lamang, kailangan lang nating maging handa at determinado upang makamit ang ating mga mithiin,” saad ni SK Federation President Gian Jetrho Manansala.
Ang nasabing aktibidad ay nagbigay ng pag-asa at inspirasyon sa mga kabataan na patuloy na magsikap at magpursige sa kanilang mga pangarap.
#LocalRecruitmentActivity#OneStopShop#LinggoNgKabataan2024#MayorAliciaPrimiciasEnriquez#MayorAliciaPrimiciasEnriquezYourPublicServant#SanNicolasPangasinanMyHomeMyPride
