Alllan Padilla Permites of Brgy. Bensican

𝕿𝖍𝖊 𝓐𝖗𝖙𝖎𝖘𝖙 𝕭𝖊𝖍𝖎𝖓𝖉 𝖙𝖍𝖊 𝓐𝖗𝖙𝖜𝖔𝖗𝓴

Dahil sa biglaang pagkamatay ng kaniyang tatay noong panahon ng pandemya, nalugmok nang sobra si Allan. Pakiwari niya’y nawalan na ng saysay ang kaniyang buhay. Hindi niya mawari ang kaniyang gagawin lalo pa’t malaking bahagi na ng kaniyang buhay ang kanilang haligi ng tahanan.

“Kung may isang bagay mang nagsalba sa akin, ‘yun ay ang paggawa ng cake. Natuto ako mula sa panonood sa Youtube at nang minsang magkaroon ng handaan sa amin, natikman ito ng aking mga kakilala’t kaibigan at kinumbisi akong gawin itong negosyo,” saad niya.

Sa una ma’y may pag-aalinlangan siya dala na rin kompetisyon mula sa kaniyang mga kakilala, ngunit naniwala siya sa kaniyang kakayahan. Sinikap niyang gawing orihinal ang kaniyang mga obra upang maging patok ito sa madla.

“Maraming nagbago sa buhay ko simula nang maging cake artist ako. Nagamit ko ang aking creativity at na-incorporate ko iyon sa aking cake arts kung kaya’t marami pa ang nagtiwala sa akin,” pahayag ni Allan.

Panahon na upang marahuyò sa mga obra maestra ng kailian nating si Allan Padilla Permites ng Brgy. Bensican. I-like at i-share mo na, kailian!

ⒶⓇⒶⒽⓊⓎⓄ