BAGONG BARANGAY HALL SA SALINGCOB, HATID NI CONG. MARLYN

Muling nagkaisa at nagtulungan ang tanggapan ni Cong. Marlyn “Len” Primicias-Agabas at ang lokal na pamahalaan ng San Nicolas upang maipatayo ang bagong barangay hall ng Brgy. Salingcob.

Ang nasabing gusali ay magsisilbing bulwagan para sa mahahalagang pagpupulong ng pamunuan ng barangay, gayundin sa mga programa at aktibidad na kapaki-pakinabang para sa mga mamamayan.

Bilang bahagi ng serye ng pagbisita ni Mayor Alicia Primicias-Enriquez sa iba’t ibang proyekto, personal niyang pinuntahan ang bagong tayong Barangay Hall at mainit na sinalubong ng mga residente at mga opisyal ng barangay bilang pasasalamat sa suporta ng pamahalaan.

Sa isang panayam, taos-pusong ipinaabot ni 𝙋𝘽 𝙉𝙤𝙚𝙡 𝙊𝙧𝙩𝙞𝙜𝙪𝙚𝙧𝙤 ang kanilang pasasalamat kay Mayor Alice. Aniya, malaki ang maitutulong ng bagong istrukturang ito upang higit pang mapabuti ang kanilang paglilingkod at serbisyo sa kanilang mga kabarangay.

Samantala, ibinahagi rin ni Mayor Alice sa mga residente ang iba’t ibang programa at serbisyong ipinagkakaloob ni Cong Marlyn. Layon ng mga ito na mapaunlad ang ekonomiya ng bayan at mapataas ang kalidad ng buhay ng mga mamamayan sa distrito.