Naging makabuluhan ang diwa ng Pasko sa mga batang San Nicolanian at kanilang mga magulang nang maghandog ng Christmas party sa kanila ang pamahalaang lokal ng San Nicolas katuwang ang Municipal Social Welfare and Development Office.
Nagsama-sama ang 37 Child Development Centers na binubuo ng 616 mag-aaral kasama ang lahat ng Child Development Workers at mga magulang para sa isang araw na puno ng kasiyahan, inspirasyon, at pag-asa.
Bumida ang mga bibong bata sa calisthenics at modern dance competitions habang nagtagisan naman ng galing ang mga magulang sa cultural dance at zumba dance competitions kung saan nagsilbing mga hurado sina Teacher Rogelio Lagasca, Teacher Raiza Tubasis, at SK Chairperson Angio Balino.
Nagsilbing masters of ceremonies sina Teacher Reynaldo Alagano at Teacher Dina Acosta sa nasabing okasyon na pinangunahan ni MSWD Officer Delia Dalutag.
#ChristmasParty#ChildDevelopmentCenters#BibongSanNicolanians#MayorAliciaPrimiciasEnriquez#MayorAliciaPrimiciasEnriquezYourPublicServant#SanNicolasPangasinanMyHomeMyPride
