Upang makatulong sa pagpapalawig ng serbisyo ng PNP San Nicolas sa buong bayan, nagkaloob si Mayor Alice ng mga regalong makatutugon sa kanilang pang-araw-araw na tungkuling mangalaga ng katahimikan at kaayusan, pagpapatupad ng batas, pag-iimbestiga ng mga krimen, at pagbibigay ng proteksiyon sa publiko.
Nakatanggap ang kanilang tanggapan kahapon ng isang unit ng 36-inch flat screen TV, dalawang unit ng road traffic solar warning strobe lights, karagdagang set ng Modular Police Express, dalawang unit ng steel cabinet, at tatlong trash bins.
“Nais naming magpahayag ng matinding pasasalamat at taos-pusong pagpapahalaga sa ating local chief executive, Dr. Alicia L Primicias- Enriquez para sa kaniyang kahanga-hangang kabutihang-loob at suporta. Gagamitin ng San Nicolas Police Station ang mga nasabing unit sa pang-araw-araw na performance ng PNP personnel,” saad ni PCPT Jerwin L Cabreros, officer-in-charge, sa kanilang Facebook post.
Kasama ni Mayor Alice sa okasyon na ito sina Municipal Councilors Amor Pulido, Queen Descargar, Jun Serquiña, Pedrelito Bibat, at Leomar Saldivar.
#PNPSanNicolas#ToServeAndToProtect#MayorAliciaPrimiciasEnriquez#MayorAliciaPrimiciasEnriquezYourPublicServant#SanNicolasPangasinanMyHomeMyPride