Sa kaniyang pagbisita sa San Nicolas National High School (SNNHS), ibinahagi ni Mayor Alice ang mga proyektong nakalatag para sa kapakanan ng mga mag-aaral at sa patuloy na pag-unlad ng paaralan.
“Patuloy na susuportahan ng pamahalaang lokal ng San Nicolas ang priority projects ng inyong Paaralang Mahal dahil kabahagi ninyo kami sa pagbibigay ng kalidad na edukasyon para sa lahat ng kabataang San Nicolanians at para sa bayan,” saad ni Mayor Alice.
Nagsagawa rin ng project inspection ang alkalde sa school main gate na pinondohan mula sa Development Fund na layuning mas mapaigting ang seguridad ng mga mag-aaral.
Samantala, mainit naman ang naging pagsalubong ng pamunuan ng paaralan sa pangunguna ni 𝘿𝙧. 𝙍𝙤𝙡𝙖𝙣𝙙𝙤 𝙅. 𝘾𝙖𝙘𝙖𝙮𝙖𝙣 katuwang ang Supreme Secondary Learner Government Officers na naghanda ng kanilang sorpresa para sa alkalde.
Hindi napigilan ni Mayor Alice ang maging emosyonal dahil aniya, tumagos sa kaniyang puso ang mensahe ng mga guro’t mag-aaral at nagbigay sa kaniya ng alab upang pagbutihin pa ang pagsisilbi sa bayan ng San Nicolas.
#SanNicolasNHS#MayorAliceVisits#SchoolMainGate#MayorAliciaPrimiciasEnriquez#MayorAliciaPrimiciasEnriquezYourPublicServant#SanNicolasPangasinanMyHomeMyPride
