Pormal nang nagsimula ang selebrasyon ng Panagrambak 2025 sa pamamagitan ng pagdaraos ng Thanksgiving Mass at Religious Day na nagbigay-diin sa pagpapasalamat sa Diyos sa mga biyayang natanggap ng bayan at sa pag-aalay ng panalangin para sa pagkakaisa at kapayapaan.
Pinangunahan ni 𝙍𝙚𝙫. 𝙁𝙖𝙩𝙝𝙚𝙧 𝙁𝙖𝙧𝙡𝙚𝙮 𝘽. 𝘾𝙖𝙨𝙩𝙧𝙤 ang banal na misa na idinaos sa San Nicolas de Tolentino Parish habang nagsilbing Guest Speaker naman si 𝙍𝙚𝙫. 𝘿𝙧. 𝘿𝙖𝙣𝙣𝙮 𝘾𝙖𝙧𝙖𝙣𝙩𝙤 sa Religious Day na ginanap sa Municipal Auditorium.
Sa pagbabahagi ni Rev. Caranto, ipinaliwanag niya ang mayamang kasaysayan ng bayan ng San Nicolas sa pamamagitan ng isang graphic journey at binigyang-diin ang kahalagahan ng pagkakaisa na nagbibigay ng lakas at katatagan,pagtutulungan at pakikipagtulungan, pagkakaiba-iba at inklusyon, panlipunang pagkakaisa, pagsulong ng ekonomiya, at inspirasyon at pag-uudyok-bayanihan.
Binalikan naman ni Mayor Alicia Primicias-Enriquez kung paano palaging sinasamahan ng Panginoon ang San Nicolas at ang mga San Nicolanian sa kabila ng mga pagsubok at siya’y nagpapasalamat na nalampasan ng bayan ang mga ito.
Aniya, ito ang nagbigay sa kaniya ng lakas upang pamunuan ang bayan nang may pagmamahal at panalangin, at laging iniisip ang iba’t-ibang paraan upang mapabuti ang buhay ng mga residenteng San Nicolas sa tulong ng Poong Lumikha.
“Dahil sa pagmamahalan natin sa isa’t isa at sa Panginoon, kahit na magkakaiba ang kultura, relihiyon, at henerasyon, patuloy na umuunlad at lumalago ang San Nicolas,” saad ng alkalde.
#ThanksgivingMass#ReligiousDay#Panagrambak2025#UnityInDiversity#HappyFiestaSanNicolas#HonoringGenerations#CulturesAndTraditions#MayorAliciaPrimiciasEnriquez#MayorAliciaPrimiciasEnriquezYourPublicServant#SanNicolasPangasinanMyHomeMyPride
